দুবাই থেইক্কা

দুবাই থেইক্কা যাইয়া ফুলা সুন্দরী বউ তুকায়,
টেহার জোরে ফায়ত্রিশ ছল্লিশ বয়স তার লুকায়।
কইন্ন্যা একহান লম্বা-ফর্সা, বয়স ষোলোর নিচে,
তার বয়সের ধার ধারে না মাইনষে যা কউক ফিছে।
চরিত্রখান কিতা ফুড়ির আমল খাইচ্ছত কিতা,
ধলা চামড়া দেখলে ফুলা দেখে না আর হিতা।
বিয়া কইরা বউরে লইয়া তেরিং বেরিং করে,
কয়দিন পরে জানে ফুড়ির মনটা অন্যের ঘরে।
মেয়ের বাপ ভাই-বেরাদর তারা বুজল কিতা,
ফাইলে জামাই দুবাই থেইক্কা জলদি বিয়া দিতা।
কিতা করে ফুলা হিয়ানে স্বভাব তার কিতা,
লোভে পড়িয়া অনেকে আর খোজে না আর ইতা।
হগল কিন্তু তার লাহান না ভাই- মান ইজ্জত আছে,
হুনিয়াও বিয়া দেইন না যেই তাইনের কাছে।
আবার অনেক ফুলা আছে তারাও কিন্তু বালা,
যেছাখানে কইরা বিয়া জীবন কইরেন না কালা।
দেইখ্যা হুইন্না ভালা জাইন্যা বিয়া শাদী কইরইন,
সুখ শান্তিতে সংসার চালায় তারা শুধু মইরইন।
দেশী কি বা বিদেশী একটা দেইখা বিয়া কর,
আমল খাইচ্ছত দেইখ্যা সবাই ফুলা-মায়া ধর।